नेपाल चेम्बरले बाढी प्रभावीत क्षेत्रमा सामान बोक्ने ड्रोन पठाउँदै

११ भदौ, काठमाडौं ।

नेपाल चेम्बरले बाढी प्रभावीत क्षेत्रमा सामान बोक्ने ड्रोन पठाउने भएको छ ।

रसुवाको भोटेकोशी नदीमा आएको भीषण बाढी बाट रसुवा, नुवाकोट, धादिङ लगायत क्षेत्रमा ५० किलो पेलोड क्षमताको ड्रोन पठाउने भएको हो । 

बाढीका कारण ठूलो जनधन तथा भौतिक संरचनामा क्षति पुगे पछि नेपाल चेम्बर अफ कमर्सले उद्धार, राहत तथा पुनस्र्थापनाका लागि राहत अभियान अघि बढाएको छ ।

चेम्बरले बाढी बाट भएको जनधनको क्षतिप्रति गहिरो दुःख व्यक्त गर्दै ज्यान गुमाउने प्रति श्रद्धाञ्जली तथा घाइतेहरूको शीघ्र स्वास्थ्यलाभको कामना गर्दै शोकसन्तप्त परिवारमा समवेदना प्रकट गरेको छ ।

बाढी प्रभावित सर्वसाधारण, स्वदेशी तथा विदेशी यात्रु, उद्योगी–व्यवसायी र स्थानीय समुदायको साथमा चेम्बर सधैं रहने प्रतिबद्धता जनाएको समेत जनाएको छ ।

बाढीका कारण घर, पसल, निजी तथा सार्वजनिक सवारीसाधन, मालवाहक सवारी, भन्सार यार्डमा रहेका सवारीसाधन, पुल, जलविद्युत् आयोजना तथा अन्य भौतिक संरचनामा ठूलो क्षति पुगेको दुःख ब्यक्त गरेको छ ।

चेम्बरले रसुवा, नुवाकोट तथा धादिङमा सम्बन्धित जिल्ला चेम्बर मार्फत तत्काल नगद तथा जिन्सी सहयोग उपलब्ध गराएको छ भने आवश्यकता अनुसार थप राहत सहयोग जारी राख्ने जनाएको छ ।

उद्धार कार्यलाई थप प्रभावकारी बनाउन चेम्बरले ५० किलो पेलोड क्षमताको ड्रोन र एउटा सर्भिलेन्स ड्रोन विदुर नगरपालिकामा पठाइसकेको छ । भने १ सय किलो पेलोड क्षमताको ड्रोन पठाउने अन्तिम तयारी भइरहेको र थप सहयोग गरिने चेम्बरले जनाएको छ ।

चेम्बरले प्रभावित क्षेत्रमा १ सय २५ वटा पावर बैंक समेत उपलब्ध गराइसकेको र नेपाल युथ चेम्बरले बिहीबार जमलस्थित सचिवालयमा रक्तदान कार्यक्रम आयोजना गर्नुका साथै आवश्यकता अनुसार कार्यक्रमलाई निरन्तरता दिने जनाएको छ ।