वर्षाको कारण काठमाडौंको विभिन्न भाग डुवानमा

काठमाडौं,२३ साउन 
भारी वर्षाले बल्खु तरकारी बजार डुबानमा परेको छ । बिहान साढे ६ बजेदेखि तरकारी बजारमा बाढी पसेको बजार सञ्चालन समितिका अध्यक्षले जानकारी दिए । ‘एक्कासी आएको बाढीका कारण कुनै वस्तु उठाउनै भ्याइएन,’ उनले भनेका छन् ।

त्यस्तै चाँगुनारायण नगरपालिका वडा नम्बर १ मा चार कोठे घर भत्किएको छ। घर पछाडिको ढिस्को खस्दा जस्ताले छाएको एक तले घर पूर्णरुपमा क्षतिग्रस्त भएको प्रहरी परिसर भक्तपुरका प्रवक्ता बसन्त पाठकले जानकारी दिए । उनका अनुसार पहिरोले मानवीय क्षति भने भएक छैन ।

वर्षाले भक्तपुरको विभिन्न स्थानमा डुवान भएको छ । बाराहीस्थान, सिद्धी स्मृति अस्पताल लगायतका क्षेत्र डुबानमा परेका हुन् । ‘हनुमन्ते लगायतका खोलाहरुको बहाव उल्लेख्य बढेको छ भने साखु, कपन र अनामनगर क्षेत्रहरु डुवानमा परेका छन् ।